ზღვის ფსკერის ქვეშ, დახურულ ღრმულებში, ცხოველთა საზოგადოებები აღმოაჩინეს

ოკეანის ფსკერის ქვეშ, მალულ ღრმულებში, სრულ წყვდიადში, ჰიდროთერმული აქტივობის შედეგად წარმოქმნილ ოაზისებში მრავალუჯრედიან ცხოველთა მთელი საზოგადოებები საუკეთესო ცხოვრებით ცხოვრობენ.
აღმოჩენა მიუთითებს იმაზე გაცილებით კომპლექსურ ჰიდროთერმულ ეკოსისტემაზე, ვიდრე ჩვენთვისაა ცნობილი, მუდმივ წყვდიადში ჩაფლულ ოკეანის სიღრმეებში, სადაც უკიდურესი წნევა და ძლიერი სიცივე ზედაპირზე, ჰაერის ბინადართათვის ძლიერ არახელსაყრელ გარემო პირობებს ქმნის.
„გაოცებული დავრჩით, რადგან არაფერი ვიცოდით, იქ თუ ასეთი ღრმულები იყო. ეს ღრმულები გეოლოგებს ადრე აღწერილი ჰქონდათ, მაგრამ არ უნახავთ ცხოველები. თუმცა, როდესაც ჩვენ, ბიოლოგებმა ფსკერის ნიმუშები შევაგროვეთ, ზედაპირი ჩაინგრა და გამოჩნდა ღრმულები, სადაც ცხოველები იყვნენ“, — ამბობს ვენის უნივერსიტეტის საზღვაო ბიოლოგი მონიკა ბრაითი.
აღმოსავლეთ წყნარი ოკეანის ამოზნექილობაზე, ზედაპირიდან 2515 მეტრის სიღრმეში არსებობს ჰიდროთერმულ ღრმულთა ველი, რომელიც ადამიანთათვის ძნელად მისაწვდომია. თუმცა, ზღვის ფსკერის ეს ვულკანურად აქტიური ზონა გადაჭედილია ხვრელებით, რომლებიდანაც ჟონავს სითბო და მინერალები და უზრუნველყოფს ქემოსინთეზურ ბაზისს საზღვაო კვების ჯაჭვისთვის.
ვინაიდან ეს გარემო ძლიერ არასტუმართმოყვარეა, ასევე ძნელია მათი შესწავლა, რის გამოც, მწირია ჩვენი ცოდნა მათი ბუნების შესახებ. თუმცა, ბოლო წლებში, დისტანციურად მართვადი ტექნოლოგიების წყალობით, მათი მრავალი საიდუმლო ამოვხსენით.
ბრაითმა და მისმა კოლეგებმა კვლევითი გემით, სახელად Falkor, ასეთი მისია განახორციელეს. აღმოსავლეთ წყნარი ოკეანის ამოზნექილობის ხვრელების შესასწავლად, მათ სიღრმეში დისტანციურად მართვადი აპარატი SuB-astian-ი ჩაუშვეს, რომელმაც იქაურობა გადაიღო და ნიმუშები აიღო. მკვლევრები სულ არ ელოდნენ, რომ ზღვის ფსკერი ჩაინგრეოდა და ქვეშ ღრმულები აღმოჩნდებოდა.
ეს ღრმულები ზღვის ფსკერის ქვეშ დაახლოებით 10 სანტიმეტრზე იყო. ამოვსებული იყო წყლით, რომელიც ვულკანური აქტივობის გამო თითქმის 25 გრადუსამდე იყო გამთბარი. მათში სულ მცირე 10 სახეობის ცხოველის დოკუმენტირება მოხდა; მათ შორის იყო ჭიები (Nereis sandersi), ზღვის ლოკოკინები, გიგანტური მილისებრი ჭიები (Riftia pachyptila).
ვრცლად პირველ არხზე