ზვავსაშიშროების გამო საავტომობილო მოძრაობა აიკრძალა! - ინფორმაცია მძღოლებისთვის

 საავტომობილო გზების დეპარტამენტის განცხადებით, ზვავსაშიშროების გამო, სტეფანწმინდა-ლარსის მონაკვეთზე ყველა სახის ავტოტრანსპორტის მოძრაობა დროებით აიკრძალა.„გარემოს ეროვნული სააგენტოს ცნობით, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის სტეფანწმინდა-ლარსის მონაკვეთზე ზვავსაშიშროების საფრთხის დონე მაღალია, რის გამოც აღნიშნულ მონაკვეთზე დროებით აკრძალულია ყველა სახის ავტოტრანსპორტის მოძრაობა“ - ნათქვამია განცხადებაში.