ვინ ეკითხება გახარიას, ხაზარაძეს ან სალომე ზურაბიშვილს გაერთიანებას - კონკრეტული საელჩოდან ხდება საარჩევნო კამპანიის მართვა - კახა კალაძე

ვინ ეკითხება გახარიას, ხაზარაძეს ან სალომე ზურაბიშვილს გაერთიანებას - კონკრეტული საელჩოდან ხდება საარჩევნო კამპანიის მართვა - ამის შესახებ დედაქალაქის მერმა, "ქართული ოცნების" გენერალურმა მდივანმა, კახა კალაძემ განაცხადა, რითაც პარტია "გახარია საქართველოსთვის" და "ძლიერი საქართველოს" გაერთიანების შესახებ მოლაპარაკების ჩაშლას გამოეხმაურა.როგორც კალაძემ აღნიშნა, "ჩვეულებრივი სპექტაკლი" მიმდინარეობს."ჩვეულებრივი სპექტაკლია! ვინ ეკითხება გახარიას, ხაზარაძეს, ან სალომე ზურაბიშვილს მათი გაერთიანებას. კონკრეტული საელჩოდან ხდება ამ პროცესების მართვა საარჩევნო კამპანიის მართვა. რასაც ეტყვიან, ყურმოჭრილი მონები არიან. დაიბარებენ და ეტყვიან "ეს გააკეთეთ." მათ იმის უფლება არ აქვთ, პასუხი გასცენ, რატომ და რისთვის. როგორც ეტყვიან, ისე გააკეთებენ," - აღნიშნა კახა კალაძემ.