ერთიანი ეროვნული გამოცდები იწყება - ამ წუთებში პირველი ნაკადის რეგისტრაცია მიმდინარეობს

ერთიანი ეროვნული გამოცდები 2025 იწყება.როგორც ყოველთვის, კონკურსის პირველი გამოცდა ქართულ ენასა და ლიტერატურაშია. ამ წუთებში (08:00) პირველი ნაკადის რეგისტრაცია მიმდინარეობს. უშუალოდ საგამოცდო პროცესი კი 9 საათზე დაიწყება.წელს უმაღლესში სწავლის სურვილი საერთო ჯამში 80 000-მდე პირმა გამოთქვა. ქვეყნის მასშტაბით მდებარე 12 ქალაქში 24 საგამოცდო ცენტრია გახსნილი. აქედან მხოლოდ თბილისში ცხრა ცენტრი მოქმედებს.საგამოცდო დღეებში, მათ შორის დღესაც, დილის 06:00 საათიდან საღამოს 20:00 საათამდე დამატებითი საზოგადოებრივი ტრანსპორტი იმუშავებს.