ე.წ. ბორჯომის სადგურის ხანძრის ადგილას საგამოძიებო პროცესი გვიანობამდე გაგრძელდა - 5 000 კვადრატულ მეტრზე ცეცხლის გაჩენის მიზეზს გამოძიება დაადგენს

გვიანობამდე მიმდინაროებდა საგამოძიებო პროცესი ე.წ. ბორჯომის სადგურის დამწვარ ტერიტორიზე. ადგილი ამ დრომდე ყვითელი ლენტით არის შემოფარგლული და სამართალდამცველების გარდა ტერიტორიაზე შესვლა ყველასთვის, მათ შორის, მოვაჭრეებისთვის, აკრძალულია.რა გახდა ძლიერი ხანძრის მიზეზი, რომელმაც ორსართულიანი შენობის 5 000 კვადრატურლი მეტრი ფართობი მთლიანად გაანადგურა? ამ კითხვაზე პასუხი გამოძიების დასრულების შემდეგ უნდა გახდეს ცნობილი. მოგვიანებით გაირკვევა ზარალის ოდენობაც.ამასთან, შემოსავლების სამსახური მზად არის დაზარალებულების მიმართვის შემთხვევაში, მომსახურების საფასურის გადახდის გარეშე 10 სამუშაო დღის ვადაში ჩამოაწეროს მათ ხანძრისგან განადგურებული სასაქონლო-მატერიალური ფასეულობები.