დონალდ ტრამპის ადმინისტრაციის განცხადებით, შესაძლოა, ჰარვარდის უნივერსიტეტმა უცხოელი სტუდენტების მიღება ვეღარ შეძლოს – Reuters

დონალდ ტრამპის ადმინისტრაციის განცხადებით, შესაძლოა, ჰარვარდის უნივერსიტეტმა უცხოელი სტუდენტების მიღება ვეღარ შეძლოს, – ამის შესახებ ინფორმაციას სააგენტო Reuters-ი აშშ-ის ეროვნული უსაფრთხოების მდივანზე, კრისტი ნოემზე დაყრდნობით ავრცელებს.
აშშ-ის ეროვნული უსაფრთხოების მდივანმა, კრისტი ნოემმა განაცხადა, რომ ჰარვარდის უნივერსიტეტს წერილი გაუგზავნა და უნივერსიტეტის უცხოური სტუდენტური ვიზის მფლობელების „უკანონო და ძალადობრივი ქმედებების“ შესახებ ანგარიში მოითხოვა.
„თუ ჰარვარდი ვერ დაადასტურებს, რომ მოთხოვნების შესრულება შეუძლია, მაშინ უნივერსიტეტი უცხოელი სტუდენტების მიღების პრივილეგიას დაკარგავს“, – განაცხადა ნოემმა.
ამასთან, კრისტი ნოემის ცნობით, აშშ-ის ეროვნული უსაფრთხოების დეპარტამენტმა ჰარვარდს 2,7 მილიონი დოლარის ოდენობის დაფინანსება შეუწყვიტა.
ცნობისთვის, გასულ თვეში აშშ-ის პრეზიდენტის, დონალდ ტრამპის ადმინისტრაციამ განაცხადა, რომ ჰარვარდისთვის გამოყოფილი 9 მილიარდი დოლარის ოდენობის ფედერალური კონტრაქტებისა და გრანტების გადახედვას აწარმოებდა, როგორც ანტისემიტიზმის წინააღმდეგ მიმართული ზომების ნაწილს, რომელიც მათი მტკიცებით, ბოლო 18 თვის განმავლობაში პალესტინის მხარდამჭერი საპროტესტო აქციების დრო უნივერსიტეტის კამპუსებში გაძლიერდა. მიმდინარე კვირის დასაწყისში აშშ-ის მთავრობამ ჰარვარდის უნივერსიტეტს 2,3 მილიარდი დოლარის ოდენობის დაფინანსება გაუყინა.
www.interpressnews.ge