დასხდებიან თუ არა ოპონენტები მოლაპარაკების მაგიდასთან - ოპოზიციას დიალოგის შესაძლებლობისთვის ორი მთავარი მოთხოვნა აქვს

დასხდებიან თუ არა მხარეები მოლაპარაკების მაგიდასთან? რა შემთხვევაშია დიალოგი შესაძლებელი? - განმარტებებს კიდევ ერთხელ აკეთებენ ოპოზიციური პარტიებისა და მმართველი გუნდის წარმომადგენლები.ხელისუფლების ოპონენტები ამბობენ, რომ თუ შეხვედრა შედგება, საუბარი მხოლოდ ახალი არჩევნების დანიშვნასა და დაკავებულთა გათავისუფლებას უნდა შეეხოს."პრეზიდენტმა მაკრონმა ღიად განაცხადა, რომ უნდა გათავისუფლდნენ უკანონოდ დაპატიმრებული პატიმრები, რომელთა რაოდენობა 470-ზე მეტია და მეორე არის ხელახალი არჩევნები, იმისთვის, რომ ქვეყანა დავაბრუნოთ ევროპულ გზაზე, საიდანაც ივანიშვილმა ის გაიყვანა. ამიტომ, ეს უნდა იყოს დიალოგის საგანი, იმ შემთხვევაში თუ ივანიშვილი ამ დიალოგის სურვილს გამოხატავს," - განაცხადა "გახარია საქართველოსთვის" წევრმა, თეონა აქუბარდიამ.