გიორგი სოსიაშვილი ევროკავშირის პრესსპიკერის განცხადებაზე: უზარმაზარი თანხები იხარჯებოდა, რომელიც ხმარდებოდა არა რაღაც დემოკრატიულ პროცესებს, არამედ რადიკალიზაციასა და შტურმს ქართული სახელმწიფოს წინააღმდეგ

განათლების, მეცნიერებისა და ახალგაზრდულ საკითხთა საპარლამენტო კომიტეტის თავმჯდომარის მოადგილე, გიორგი სოსიაშვილი ევროკავშირის პრესსპიკერის, ანიტა ჰიპერის განცხადებას გამოეხმაურა, რომლითაც მან ხელისუფლებას მოუწოდა, არასამთავრობო ორგანიზაციების საბანკო ანგარიშების დაყადაღების შესახებ გადაწყვეტილება გააუქმოს."დედაქალაქში რომ ათეულობით საწყობს იპოვი, სადაც დასაწყობებულია, დამარაგებულია სახელმწიფო გადატრიალებისთვის მობილიზებული პიროტექნიკა და ე.წ. მოლოტოვის კოქტეილები, მსგავსი საშუალებები და ამაში იხარჯება უამრავი თანხა, რომელიც იქიდან მოედინებოდა ამ ფსევდო არასამთავრობო ორგანიზაციების ანგარიშებზე, ამას რომ აღკვეთს სახელმწიფო და წინ გადაუდგება, რომ ჩვენს შვილებს მომავალი არ დაეკარგოს და ჩვენი ქვეყანა უბედურების ქვეყნად არ გადაიქცეს, ეს არის დემოკრატიის ხელყოფა?! იქნებ ნახონ ის კადრები, სადაც ჩანს, როგორ აღმოაჩინა გამოძიებამ ეს ყველაფერი, - როგორ ხდებოდა პიროტექნიკის გამოყენება, ნიღბების გამოყენება, ჩაფხუტების გამოყენება, აირწინაღების შეძენა - უზარმაზარი თანხა იხარჯებოდა ამ ყველაფერში, რომელიც ხმარდებოდა არა დემოკრატიულ პროცესებს, არამედ რადიკალიზაციას და შტურმს ქართული სახელმწიფოს წინააღმდეგ," - განაცხადა სოსიაშვილმა.ცნობისთვის, ევროკავშირი საქართველოს ხელისუფლებას სთხოვს, არასამთავრობო ორგანიზაციების საბანკო ანგარიშების დაყადაღების შესახებ გადაწყვეტილება გააუქმოს. წარმომადგენლობის გვერდზე გამოქვეყნებულ ტექსტში საუბარია, რომ აღნიშნული ეწინააღმდეგება დემოკრატიულ ღირებულებებს. საგარეო და უსაფრთხოების პოლიტიკის საკითხებში, ევროკავშირის პრესსპიკერის, ანიტა ჰიპერის მოწოდება კი მმართველი გუნდისთვის ორმაგი სტანდარტია.