გიორგი ლობჟანიძე: … ამიტომ ჩემი სრული და უპირობო მხარდაჭერა დავით დოიაშვილს!

“დათო დოიაშვილი ძალიან მიყვარს. ჩვენ მეგობრები არ ვყოფილვართ. ჩემი ნამდვილი მეგობარი მისი უსაზღვროდ ნიჭიერი დაა და მამამისი – ქართული ლექსის გენიალური მკვლევარი თემურ დოიაშვილი. დათოს დადგმული სპექტაკლები მინახავს და მიმაჩნია, რომ ქართულ თეატრში დღეს ასეთი მასშტაბური ბევრი არაფერი გაკეთებულა.

ერთხელ ერთმა განაწყენებულმა ქალბატონმა გივი ალხაზიშვილს, რომელიც მაშინ გამომცემლობა “მერანის” მთავარ რედაქტორად ნუშაობდა, გაცხარებულმა მიაძახა: “მე შენ პოეტობიდან მოგხსნი!” გივის დიდხანს კეთილად ეცინებოდა ხოლმე ამ ფრაზაზე!

ვერც დათო დოიაშვილს ვერავინ მოხსნის რეჟისორობიდან, მაგრამ ნურაფრის ფასად ნუ აკეთებთ იმას, რომ კაცი თავისი შექმნილი და ნალოლიავები თეატრიდან გაუშვათ! მომავალი სულ ახლოდან გიყურებთ და იცინის… იდავეთ შეხედულებებზე, რამდენიც გენებოთ, მაგრამ ნუ ცდილობთ, ნიჭიერი ადამიანის ნიჭის გაბითურებას ნურცერთი მხრიდან.

ეს არავის გამოსვლია და თავი კი შეურცხვენია მომავალთან!

ამიტომ ჩემი სრული და უპირობო მხარდაჭერა დავით დოიაშვილს! ” – წერს სოციალურ ქსელში პოეტი, მთარგმნელი, აღმოსავლეთმცოდნე გიორგი ლობჟანიძე.