გიორგი ზერეკიძე „ნაცმოძრაობაზე“: რატომ უნდა ვიყო უმამოდ? რატომ უნდა გვყოლოდა ისეთი ხელისუფლება, რომელიც შვილებს მამებს უკლავდა?! დედებს შვილებს უკლავდნენ! დღემდე ძალადობენ და მომავალში უარესად იძალადებენ

იმდენად წარმოუდგენელ ისტორიებს ვხედავდი, მესმოდა, ჩემს თავს ხდებოდა, რომ ხანდახან მეგონა, სიზმარში ხომ არ ვარ-თქო, ანუ მართლა ხდებოდა თუ არა, - განაცხადა გადაცემაში „არჩევანის პირისპირ“ ყოფილმა პოლიტპატიმარმა, გიორგი ზერეკიძემ.მისივე თქმით, მისი მამის გარდაცვალების საქმე არა იურისტმა რომ წაიკითხოს, მიხვდება, რომ იგი დენის დარტყმის შედეგად არ გარდაცვლილა და არსებული ჩანაწერი საქმეში სიყალბეა.„დენის კვალი საერთოდ არ აღენიშნება. რატომ უნდა ვიყო უმამოდ? რატომ უნდა გვყოლოდა ისეთი ხელისუფლება, რომელიც შვილებს მამებს უკლავდა?! დედებს შვილებს უკლავდნენ! დღემდე ძალადობენ ესენი და მომავალში უარესად იძალადებენ, თუ მათ მიეცემათ იმის საშუალება, რომ ხელისუფლებაში დაბრუნდნენ“, - განაცხადა ზერეკიძემ.მისივე თქმით, მისი ისტორიის შესახებ დოკუმენტური ფილმი გადაიღეს, რომლის ჩვენება ხვალ, 15:00 საათზე, გორის თეატრშია. მან მიმართა გორის მოსახლეობას, ნახონ აღნიშნული ფილმი.„ვეცდებით, რომ ბევრ ახალგაზრდას ვაჩვენოთ ფილმი, რადგან საფრთხე არის იმის, რომ დღეს „ნაციონალური მოძრაობა“ ისევ დაბრუნდეს ხელისუფლებაში და ისევ იძალადოს. ამას მართლა არ დავუშვებ. მათ მე ძალიან ბევრი რამ დამიშავეს. მათთვის ჯერჯერობით არაფერი დამიშავებია. ნუ გააკეთებენ ისე, რომ სხვა გზებით წავიდე“, - განაცხადა ზერეკიძემ.გადატანილი მძიმე წარსულის გამო, ყოფილი ხელისუფლების წარმომადგენლებიდან ზერეკიძისთვის ბოდიში არავის მოუხდია, პირიქით.„მაშინდელი ხელისუფლების წარმომადგენლის მეუღლე დღეს გამოდიან, ჩემს ფოტოს სოციალურ ქსელში აფრიალებენ და რა სიტყვებით მომიხსენიებენ. გვერდით უწევს ის ადამიანი, რა სიტყვებსაც მე მიწოდებს - თამარ ჩერგოლეიშვილს მინდა მივმართო. გახედოს და გვერდით უზის ის ადამიანი სახლში“, - აღნიშნა ზერეკიძემ.