გიორგი ვოლსკი შვედეთის პრემიერის განცხადებაზე: ეს არის არა მხოლოდ პოლიტიკური დემარში უკრაინის საწინააღმდეგოდ, არამედ მანიფესტაცია იმ უსამართლობის, რაც ასეთ მდგომარეობაში მყოფი ქვეყნის მიმართ გამოიჩინეს

შვედეთის პრემიერის განცხადებამ, რომელიც უკრაინის მიმართ არის გაკეთებული - სისხლსა და ცრემლში მცურავი დღეს უკრაინა, თურმე უნდა ფიქრობდეს იმაზე, რომ ერთნაირსქესიანთა ქორწინება დაამკვიდროს ქვეყანაში იმისთვის, რათა ევროკავშირის წევრობისკენ გზა გაეხსნას, - განაცხადა პარლამენტის პირველმა ვიცე-სპიკერმა, გიორგი ვოლსკიმ.მისივე თქმით, ეს არის არა მხოლოდ პოლიტიკური დემარში უკრაინის საწინააღმდეგოდ, არამედ უსამართლობის მანიფესტაცია.პრაქტიკულად, საქართველოს მიმართ ასეთი მოთხოვნა იყო წამოყენებული და არა მარტო შვედეთის მხრიდან, მაგრამ ჩვენთან საკითხი ეხება კონსტიტუციურ ჩანაწერს, სადაც წერია, რომ ოჯახი შედგება ქალისა და კაცისგან და შესაბამისად, ლგბტ პროპაგანდაც არის აკრძალული.საქართველოზე გააფთრებული შეტევა მიიტანეს ამ კანონის გამო და პრაქტიკულად განაცხადეს, რომ საქართველომ ევროკავშირისკენ სვლა შეაჩერა. ახლა საერთოდ ყველაფერს გადააჭარბა აი, ამ განცხადებამ, რომელიც უკრაინის მიმართ არის გაკეთებული, რომ სისხლსა და ცრემლში მცურავი დღეს უკრაინა, თურმე უნდა ფიქრობდეს იმაზე, რომ ერთნაირსქესიანთა ქორწინება დაამკვიდროს ქვეყანაში იმისთვის, რათა ევროკავშირის წევრობისკენ გზა გაეხსნას. ეს არის არა მხოლოდ პოლიტიკური დემარში უკრაინის საწინააღმდეგოდ, არამედ მანიფესტაცია იმ უსამართლობისა, რაც ასეთ მდგომარეობაში მყოფი ქვეყნის მიმართ გამოიჩინეს“, - განაცხადა ვოლსკიმ.შვედეთის პრემიერ-მინისტრმა, ულფ კრისტერსონმა განაცხადა, რომ ევროინტეგრაციის ფარგლებში უკრაინამ უნდა დაარეგულიროს ერთნაირსქესიანი პარტნიორობა და ლგბტ საზოგადოების სრული სამართლებრივი დაცვა უზრუნველყოს.