გიორგი ვოლსკი „ქართული ოცნების“ დასკვნით ღონისძიებაზე: სხვა შეკრებისგან განსხვავებით, რომელიც ახლახან ვიხილეთ, სიმართლე ითქმება ტრიბუნიდან

პარლამენტის პირველი ვიცე-სპიკერის, გიორგი ვოლსკის განცხადებით, მმართველი პარტიის დასკვნით საარჩევნო შეკრებაზე, რომელიც დღეს თბილისში გაიმართება, ოპოზიციის აქციისგან განსხვავებით ტრიბუნიდან სიმართლე გაჟღერდება.„სხვა შეკრებისგან განსხვავებით, რომელიც ახლახან ვიხილეთ, სიმართლე ითქმება ტრიბუნიდან იმის თაობაზე, რომ საქართველოს სტაბილურობა გარანტიაა იმისა, რომ იქნება წარმატება, გარდაუვალი ეკონომიკური ზრდა, სოციალური პაკეტის ზრდა და ზოგადად, საფრთხეების თავიდან აცილების შესაძლებლობა მხოლოდ იმ შემთხვევაში გვაქვს, თუკი „ქართული ოცნება“ ამ არჩევნებში დამაჯერებლად გაიმარჯვებს“, - მიიჩნევს ვოლსკი.დღეს თავისუფლების მოედანზე მმართველი გუნდის საარჩევნო კამპანიის დასკვნითი ღონისძიება გაიმართება. 19:00 საათზე „ქართული ოცნება“ მოსახლეობას კიდევ ერთხელ მოუწოდებს საერთო მიზნების ირგვლივ გაერთიანებისკენ.