გიორგი ვოლსკი: არგუმენტები, რომლებიც ჩვენ „ნაცმოძრაობის“ მიმართ გაგვაჩნია, საკმარისზე მეტია იმისთვის, რათა გერმანიაში არა თუ ვიღაცას განეცხადებინა, რომ ეს ექსტრემისტული, სადისტური პარტიაა, არამედ უკვე გარკვეული ზომები იქნებოდა გატარებული

პარლამენტის პირველი ვიცე-სპიკერი, გიორგი ვოლსკი გერმანიის ფედერალური სადაზვერვო სამსახურის მიერ მემარჯვენე პარტია „ალტერნატივა გერმანიისთვის“ ექსტრემისტულ პოლიტიკურ გაერთიანებად აღიარების ფაქტს გამოეხმაურა.„მემარჯვენე პარტიამ „ალტერნატივა გერმანიისთვის“ ადგილობრივი არჩევნების წინ რეიტინგის მიხედვით, გადაასწრო საპარლამენტო არჩევნებში პირველ ადგილზე გასულ პარტიას - ეს არის ფაქტი. არგუმენტები, რომლებიც ჩვენ „ნაცმოძრაობის“ მიმართ გაგვაჩნია, საკმარისზე მეტია იმისთვის, რათა გერმანიაში არა თუ ვიღაცას განეცხადებინა, რომ ეს ექსტრემისტული, სადისტური პარტიაა, არამედ უკვე იქნებოდა გარკვეული ზომები გატარებული“, - განაცხადა ვოლსკიმ.გერმანიის ფედერალურმა სადაზვერვო სამსახურმა მემარჯვენე პარტია „ალტერნატივა გერმანიისთვის“ ექსტრემისტულ პოლიტიკურ გაერთიანებად აღიარა.