გივი მიქანაძე რეზიდენციის დატოვების შესახებ ზურაბიშვილის განცხადებაზე: როგორც ჩანს, სულ სხვა მოვლენების განვითარებას მოიაზრებდნენ, მაგრამ მისი გადაწყვეტილებით ამ გეგმამაც ფიასკო განიცადა

როგორც ჩანს, სულ სხვა მოვლენების განვითარებას მოიაზრებდნენ მაგრამ მისი გადაწყვეტილებით ამ გეგმამაც ფიასკო განიცადა, - ასე გამოეხმაურა განათლების, მეცნიერებისა და ახალგაზრდულ საქმეთა საპარლამენტო კომიტეტის თავმჯდომარე, უმრავლესობის წევრი გივი მიქანაძე ათონელის რეზიდენციის დატოვების შესახებ სალომე ზურაბიშვილის გადაწყვეტილებას.„ჩვენ მოვისმინეთ სალომე ზურაბიშვილის განცხადება, რომ ის ათონელის რეზიდენციის დატოვებას არ აპირებდა, მეორე დღეს კი მან გააკეთა განცხადება, რომ ის რეზიდენციას ტოვებდა, რამაც ოპოზიციის ნაწილში და საზოგადოების რიგ წარმომადგენლებში დიდი უკმაყოფილება გამოიწვია. როგორც ჩანს, სულ სხვა მოვლენების განვითარებას მოიაზრებდნენ, მაგრამ მისი გადაწყვეტილებით ამ გეგმამაც ფიასკო განიცადა“, - აღნიშნა მიქანაძემ.ცნობისთვის, 29 დეკემბერს სალომე ზურაბიშვილმა ორბელიანების სასახლე დატოვა.