“გეუბნებით, ბავშვები არ წამოიყვანოთ, მენდეთ…. “- რა ინფორმაციას ავრცელებს ნინო ჯანგირაშვილი

დღეს, 14 დეკემბერს, საღამოს 7 საათზე ქვეყნის მთავარი ნაძვის ხე აინთება, ამის შესახებ კახა კალაძემ თავის ვიდეო-მიმართვაში განაცხადა.

ჟურნალისტი და ტელეკომპანია “კავკასიის” დირექტორი,ნინო ჯანგირაშვილი სოციალურ ქსელში პოსტს ავრცელებს, სადაც მმართველი გუნდის მხრიდან მოსალოდნელ პროვოკაციაზე საუბრობს.

“ვიცი ქოცები ჩემს სტატუსებს კითხულობთ. წვრილფეხობას მოგმართავთ: ხვალ თქვენი ბოსები პროვოკაციაზე გეპატიჟებიან. ვითომ ნაძვისხის ანთება და ბავშვების გახარება აიჩემეს, სინამდვილეში კალაძე რამდენიმე დღეა ეგრეთწოდებულ ძველ ბიჭებს და მთელ ქუჩის ფსკერს აგროვებს, რომ იქ პროვოკაცია დადგას. თან იმდენად უნამუსოა, ბავშვებით გეპატიჟებათ.

ჩვენი საპროტესტო მოძრაობა რას გადაწყვეტს არ ვიცი ჯერ, არავინ არ იცის მგონი. ჩვენს მხარეს თვითორგანიზებული, წესიერი და მშვიდობიანი ხალხია. ალბათ როგორც სინდისი და სიტუაცია უკარნახებს ისე მოიქცევა ყველა, მაგრამ თქვენ გეუბნებით, ბავშვები არ წამოიყვანოთ რუსთაველზე, მენდეთ, თქვენი ბოსები უკიდეგანო ნაძირლები არიან და რამე უბედურებაში არ გახვიოთ ბავშვები.”- წერს ნინო ჯანგირაშვილი სოციალურ ქსელში.