"გეგმა "ა" ჩავარდნილია და გადასულები არიან გეგმა "ბ-ზე", რომელიც აუცილებლად ჩავარდება თვითონაც იციან, მაგრამ მეტს ვერაფერს სთავაზობენ თავიანთ პატრონებს" - გურამ მაჭარაშვილი

ერთიანი სცენარი, რომელიც მაკკეინის ინსტიტუტის ჯერ კიდევ ერთი თვის წინ გამოქვეყნებულ ანგარიშში დეტალურად არის გაწერილი - მმართველი გუნდი ოპოზიციას წინასწარ დაგეგმილ, კოორდინირებულ ქმედებებში ადანაშაულებს, რომლის მიზანიც არჩევნების შედეგების არაღიარება და ქვეყანაში დესტაბილიზაციაა."არა მარტო მაკკეინის ინსტიტუტის გეგმაში, არამედ ჩვენ გვახსოვს, რომ ბოლო ორი წლის განმავლობაში ბევრი სემინარი ტარდებოდა ოპოზიციისთვის, სადაც პირდაპირ დაწერილი სცენარები იყო, ჩვენ ვამბობდით, რომ ასე მოხდებოდა და ასეც ხდება. თუმცა, ამას ვერავითარი გავლენა ვერ ექნება, რადგან არჩევნები ჩატარდა მაღალ დონეზე, ეს დაინახა, როგორც ოპოზიციის მხარდამჭერებმა ასევე ჩვენმა მხარდამჭერებმა და საერთაშორისო საზოგადოებამ. ახლა გასაგებია რომ ეს გეგმა ა ჩავარდნილია და გადასულები არიან გეგმა ბ-ზე, რომელიც აუცილებლად ჩავარდება თვითონაც იციან, მაგრამ მეტს ვერაფერს სთავაზობენ თავიანთ პატრონებს," - აცხადებს საპარლამენტო პოლიტიკური ჯგუფის ”ხალხის ძალა” წევრი გურამ მაჭარაშვილი.