განადგურებული სახლები და 7000-ზე მეტი ევაკუირებული ადამიანი - კალიფორნიაში მასშტაბურ ხანძარს ამ დრომდე ებრძვიან

კალიფორნიაში კვლავ ტყის მასშტაბურ ხანძარს ებრძვიან. ცეცხლმა საცხოვრებელი სახლები გაანადგურა. სტიქიის ზონიდან 7 000=ზე მეტი ადამიანია ევაკუირებული.ცეცხლის კერები მალიბუში, კალიფორნიის სანაპიროს მიმდებარედ სამი დღის წინ გაჩნდა და უკვე 4 000 ჰექტარზე მეტი ტერიტორია გაანადგურა. სტიქიის სალიკვიდაციო სამუშაოებში 2 000-ზე მეტი მეხანძრეა ჩართული. დაღუპულების ან დაშავებულების შესახებ ინფორმაცია, ამ დრომდე, არ გავრცელებულა. უცნობია ხანძრის გამომწვევი მიზეზებიც.