აღმოჩენილია მსოფლიოში უდიდესი ოქროს საბადო, რომლის ღირებულება 80$ მილიარდია

ჩინური მედიის ცნობით, ცენტრალურ ჩინეთში მაღალი ხარისხის ოქროს შემცველობის საბადო აღმოაჩინეს, რომელშიც დაახლოებით 1000 ტონა ოქროა.
მარაგის ღირებულება დაახლოებით 83 მილიარდი აშშ დოლარია და შეიძლება ჩაითვალოს ყველაზე დიდ და ძვირად ღირებულ რეზერვუარად ამ დრომდე აღმოჩენილთა შორის. ამ დროისათვის უდიდეს საბადოდ, 900 ტონა ოქროს შემცველობით ითვლებოდა მაღარო South Deep-ი სამხრეთ აფრიკის რესპუბლიკაში.
ხუნანის პროვინციის გეოლოგიური ბიუროს ცნობით, ოქროს 40 ძარღვი ხუნანის პროვინციის პინძიანის ოლქში აღმოაჩინეს, ზედაპირიდან ორი კილომეტრის სიღრმეში.
მხოლოდ ამ მონაკვეთში 300 ტონა ოქროა, მაგრამ როგორც 3D მოდელირება მიუთითებს, სამი კილომეტრის სიღრმეში არის დამატებითი მარაგებიც.
„მრავალ ნაბურღ ქანში ოქრო ხილულად იყო“, — ამბობს ბიუროს წარმომადგენელი.
ნაბურღი ნიმუშები მიუთითებს, რომ ყოველი კუბური მეტრი მადანი 138 გრამ ოქროს შეიცავს, რაც საოცრად მაღალი მაჩვენებელია ასეთ სიღრმეზე; მიჩნეულია, რომ მიწისქვეშა მაღარო მდიდარია, თუ მისი მადანი კუბურ მეტრზე რვა გრამ ოქროს შეიცავს.
ვრცლად პირველ არხზე