აქციაზე ნიღბის გამოყენება გამოხატვის თავისუფლებასთან კორელაციაში არ არის, ბევრ ქვეყანაში, მათ შორის ევროკავშირის ქვეყნებსა და ამერიკაში ნიღბით სახის დაფარვა აკრძალულია - ირაკლი ქადაგიშვილი

აქციაზე პოზიციას ღიად გამოხატავ, ნიღბის გამოყენება სიტყვისა და გამოხატვის თავისუფლებასთან კორელაციაში არ არის, – ამის შესახებ პარლამენტის თვითმმართველობის კომიტეტის თავმჯდომარემ, ირაკლი ქადაგიშვილმა საქართველოს პირველ არხს განუცხადა.მისი თქმით, ბევრ ქვეყანაში, მათ შორის ევროკავშირის ქვეყნებსა და ამერიკაში ნიღბით სახის დაფარვა აკრძალულია.„საპროტესტო აქციაზე პოზიციას ღიად გამოხატავ. ამიტომ, საპროტესტო აქციაზე ნიღბის გამოყენება არავითარ კორელაციაში არ არის სიტყვისა და გამოხატვის თავისუფლებასთან. ნიღაბი იმას ემსახურება, რომ რაღაც ქმედება იყოს ჩადენილი ფარულად და დანაშაულის ჩამდენის იდენტიფიცირება ვერ ხერხდებოდეს. აქედან გამომდინარე, ბევრ ქვეყანაში, მათ შორის ევროკავშირის ქვეყნებსა და ამერიკაში ნიღბით სახის დაფარვა აკრძალულია“, – განაცხადა ირაკლი ქადაგიშვილმა.