აქამდე თუ გვიწევდა, გვემტკიცებინა რაღაცები, მოგვეყოლა ისტორიები, დღეს იმდენია, ვეღარ ავუდივართ ინფორმაციას, რასაც ილონ მასკი თუ აშშ-ის ადმინისტრაციის სხვა წარმომადგენლები ავრცელებენ - შალვა პაპუაშვილი

აქამდე თუ გვიწევდა, რომ ჩვენ გვემტკიცებინა რაღაცები, მოგვეყოლა ისტორიები, დღეს ეს ყველაფერი იმდენია, ვეღარ ავუდივართ ინფორმაციას, რომელსაც ილონ მასკი თუ აშშ-ის ახალი ადმინისტრაციის სხვა წარმომადგენლები ავრცელებენ, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.პაპუაშვილის თქმით, აშშ-ის ახალი ადმინისტრაციის მხრიდან ყოველდღე ვრცელდება ინფორმაცია ამა თუ იმ მეთოდის შესახებ, რაც საქართველოში არაერთხელ განხორციელდა.„იმდენი ინფორმაცია მოდის, რთულია მისი სისტემატიზაცია. პირდაპირ ჩანს, როგორ გამოიყენებოდა მეთოდებად ზუსტად ის, რასაც ჩვენ ვხედავდით – საზოგადოებრივი წესრიგის ხელშეშლა, როგორც გარედან დაფინანსებული ერთ-ერთი მეთოდი იმისა, რაც ჩვენ არაერთხელ ვნახეთ ჩვენს ქვეყანაში. ამიტომ, მნიშვნელოვანია, რომ დემოკრატიამ საკუთარი თავი დაიცვას და ამ მხრივ ყველა საკანონმდებლო ინსტრუმენტი, რაც საჭიროა, ეს იქნება უზრუნველყოფილი“, – განაცხადა პაპუაშვილმა.