ასეთი დამთხვევა „ქართული ოცნების“ გუნდის და ტრამპის ადმინისტრაციის მსოფლმხედველობას შორის, უიშვიათესია

დაფინანსების ლომის წილი უცხოეთიდან მოდიოდა და ეს სურათს ძალიან შეეტყობა. ასეთი დამთხვევა „ქართული ოცნების“ გუნდის და ტრამპის ადმინისტრაციის მსოფლმხედველობას შორის, უიშვიათესია. ფაქტობრივად ერთი ნარატივი და ერთი სალაპარაკო გვქონდა, – განაცხადა გადაცემაში „იმედი LIVE“ გიორგი გამსახურდიამ უცხოურ დაფინანსებებზე საუბრისას.
„გამორიცხულია, რომ ამერიკიდან რაღაც თანხა წამოვიდეს ჩვენს საწინააღმდეგოდ. არსებობს ევროპული ფონდები, მაგრამ ის შედეგი არ ექნებათ. ამერიკიდან მხარდაჭერის გარეშე ევროპული ფონდები და ე.წ. მხარდამჭერები მილევად რეჟიმში არიან“.
გიორგი გამსახურდიამ ასევე ისაუბრა დონალდ ტრამპის ინაუგურაციაზე ოპოზიციის წარმომადგენლების დასწრებაზეც და აღნიშნა, რომ ამ ქმედებით მათ თავი შეირცხვინეს.