არჩილ გორდულაძე: ფაქტია, რომ ISFED-ს ძალიან უჭირს იმ ბულინგის გაძლება, რომელიც მასზე ხორციელდება

ფაქტია, რომ ISFED-ს ძალიან უჭირს იმ ბულინგის გაძლება, რომელიც მასზე ხორციელდება. წინააღმდეგ შემთხვევაში, დარწმუნებული ვარ, რომ 2 დღის წინაც გამოაქვეყნებდა თავის წინასწარ შედეგებს, - განაცხადა ფრაქცია „ქართული ოცნების“ თავმჯდომარის მოადგილემ, არჩილ გორდულაძემ. მისი შეფასებით, შედეგის გამოქვეყნების შემთხვევაში ოპოზიციის ნარატივი ჩამოიშლება.„მარტივია, თუ რატომ ხდება ეს ბულინგი. იმ შემთხვევაში, თუ ISFED-ი გამოაქვეყნებს თავისი პარალელური დათვლის შედეგებს, დადასტურდება, რომ ცენტრალური საარჩევნო კომისიის მიერ ასახული ხმები, „ქართული ოცნების“ პროცენტები თუ ოპოზიციური პარტიების პროცენტები სრულად შეესაბამება ISFED-ის დათვლილს და ტყუილში იქნება მხილებული Edison Research-ი კიდევ ერთხელ. ეს ყველაფერი არ უნდათ. ჩამოეშლებათ მთელი ის ნარატივი და კამპანია, რომელიც ჩვენი დელეგიტიმაციის მცდელობისკენ აქვთ მიმართული“, - აცხადებს გორდულაძე.არასამთავრობო ორგანიზაცია ISFED-ი პარალელური დათვლის შედეგებს ისევ მალავს.