არჩილ გორდულაძე ლგბტ პროპაგანდის წინააღმდეგ და გამჭვირვალობის კანონების გაუქმების ულტიმატუმზე: როდესაც არცერთი არგუმენტი არ არსებობს, მხოლოდ მუქარასა და თითის ქნევას ვიღებთ, რაც კატეგორიულად მიუღებელია სუვერენული ქვეყნისთვის

როდესაც არცერთი არგუმენტი არ არსებობს და ყველა გაურბის არგუმენტებით საუბარს, საბოლოო ჯამში მხოლოდ მუქარასა და თითის ქნევას ვიღებთ, რაც კატეგორიულად მიუღებელია სუვერენული ქვეყნის წარმომადგენლებისთვისა და ქართველი ხალხისთვის, - საპარლამენტო ფრაქცია „ქართული ოცნების“ თავმჯდომარის პირველმა მოადგილე არჩილ გორდულაძემ.უმრავლესობის დეპუტატი გამოეხმაურა გამჭვირვალობისა და ლგბტ პროპაგანდის საწინააღმდეგო კანონების შესახებ ევროპელი ლიდერების ულტიმატუმს.„მადა ჭამაში მოდისო და მიხაილ როთს ალბათ გაეზარდა მადა კანონების გაუქმების მოთხოვნასთან დაკავშირებით და ახლა ე,წ. ოფშორების კანონის გაუქმებაც მოითხოვა. არ ვაპირებთ რომ ჩვენი სუვერენიტეტი ფეხქვეშ გავთელოთ, ჩვენთვის მთავარია - რა არის ქართველი ხალხის ინტერესი“, - აღნიშნა გორდულაძემ.