არმაზ ახვლედიანი ნაც.მოძრაობამ 41-ე ნომრად ჩაწერა

არმაზ ახვლედიანი ნაც.მოძრაობამ 41-ე ნომრად ჩაწერა და გამსვლელ სიაშიც კი ვერ მოხვდა, მიუხედავად იმისა, რომ ახვლედიანი განსაკუთრებით ბოლო პერიოდში ცდილობს “ფხა” გამოიჩინოს და ხმამაღალი ტონით უფრო მეტი ყურადღება მიიქციოს.
სიაში არ მოხვდა გუბაზ სანიკიძე, ასევე თაკო ჩარკვიანი, რომლებიც ამ პარტიის და მისი ლიდერის თავგადაკლული დამცველები არიან.
ლევან ხაბეიშვილს, რომელიც ასევე ცდილობდა “რაღაც-რაღაცეებს”, გამსვლელ სიაშიც კი არ მიაკუთვნეს ადგილი და ფორმალურად, მე-14 ნომრად მიაწერეს.
არც გიორგი ბარამიძეს გაუმართლა დიდად, ის მხოლოდ 31-ე ნომრად განთესეს პარტიაში.
ახლადდაბრუნებულ ხატია დეკანოიძეს 29-ე ნომერი მიანიჭეს.
პარტიის კიდევ ერთი თავგადაკლული წევრი ანა წითლიძე საპატიო მე-16 ადგილზეა.