„არ ენდოთ სოციალურ ქსელში დაუჯერებლად მიმზიდველ შეთავაზებას“ - რა სქემებით მოქმედებენ კიბერ თაღლითები

ორგანიზაცია „საზოგადოება და ბანკები“ მოსახლეობას კიბერ თაღლითური სქემის შესახებ აფრთხილებს.კერძოდ, მათი ცნობით, ბოლო პერიოდში მომატებული ფიშინგის შემთხვევების, ძირითადად გავრცელებული სქემებია:მომხმარებელმა facebook-ზე მიიღო შეთავაზება დასაქმების შესახებ, რის სანაცვლოდაც უნდა ჩაერიცხა თანხა.ასევე facebook-ზე მომხმარებელმა ნახა რეკლამა, სადაც გათამაშებაში მონაწილეობას სთავაზობდნენ და მოგებული თანხის მიღების სანაცვლოდ, სთხოვდნენ გარკვეული თანხის ჩარიცხვას.Instagram-ზე მოწონებების დაგროვებით გამომუშავებული თანხების ჩარიცხვა.Whatsapp-ზე უკავშირდებიან, სთავაზობენ გარკვეული ვიდეოების მოწონების სანაცვლოდ თანხის ჩარიცხვას, თანხმობის შემთხვევაში აწვდიან telegram-ის ბმულს, სადაც მომხმარებლები იღებენ დავალებებს, რის შემდეგაც შედიან ნდობაში. პირველ ეტაპზე ,,თაღლითები“ რიცხავენ მცირე თანხას, ნდობის მოპოვების შემდეგ, უკვე მომხმარებელს არიცხვინებენ ფულს.რა უნდა გავითვალისწინოთ, რომ არ გავხდეთ თაღლითობის მსხვერპლი - "საზოგადოება და ბანკები განმარტავს":"არ ენდოთ სოციალურ ქსელში დაუჯერებლად მიმზიდველ შეთავაზებას, დიდი ალბათობით ეს თაღლითური მახეა;კომპანიებში დასაქმების დაპირების შემთხვევაში, აუცილებლად გადაამოწმეთ, რამდენად რეალურია შეთავაზება - სანდო კომპანია დასაქმების სანაცვლოდ თანხის ჩარიცხვას ან ბარათის მონაცემების გაზიარებას არასდროს მოგთხოვთ;არავის გაუზიაროთ თქვენი "მობაილ ბანკის" მომხმარებლის სახელი და პაროლი;თუ უცხო პირი ან რომელიმე კომპანია ბარათის მონაცემების გაზიარებას მოგთხოვთ, ეს უკვე ინდიკატორია იმის, რომ თაღლითების სამიზნე ხართ, რადგან თანხის ჩასარიცხად ანგარიშის ნომრის გაზიარებაც სრულიად საკმარისია“, - ნათქვამია "საზოგადოება და ბანკების" მიერ გავრცელებულ ინფორმაციაში.