ამ კონკრეტული დეპუტატების სახელები ჩვენი საზოგადოებისთვის კარგად არის ცნობილი, 4 წელია დაკავებულები არიან „ქართული ოცნების“ კრიტიკით - ნიკოლოზ სამხარაძე ევროპარლამენტში გამართულ დებატებზე

ეს არის კონკრეტული დეპუტატების მიერ წარმოდგენილი ინიციატივა და მათი სახელები ჩვენი საზოგადოებისთვის კარგად არის ცნობილი, - განაცხადა საქართველოს პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძემ, რითაც ევროპარლამენტში 20 ევროპელი კანონმდებლის მიერ საქართველოს საკითხზე გამართულ საგანგებო დებატებს გამოეხმაურა.მისი თქმით, კონკრეტული ევროდეპუტატების განცხადებები ქართველი ოპოზიციონერებისთვის კიდევ ერთი მაშველი რგოლია.„4 წელია დაკავებულები არიან „ქართული ოცნების“ კრიტიკით და ეს არის ერთგვარად კიდევ ერთი გადმოგდებული მაშველი რგოლი ჩვენი ოპოზიციისთვის. ჩვენ ვიხილეთ ევროპარლამენტის სხვა დეპუტატების გამოსვლებიც, რომლებიც ამბობდნენ, რომ ეს საქართველოს შიდა საქმეებში ჩარევაა“, - განაცხადა სამხარაძემ.