ამ კონკრეტულ ტრენინგებზე ჩვენ ვხედავთ მდიდარი „ენჯეოების“ წარმომადგენლებსაც, რაც კიდევ უფრო ამყარებს იმ ეჭვს, რომ ისევ რევოლუციურ სცენარებზე მიდის დატრენინგება - ლევან მაჭავარიანი ევროსაბჭოს ორგანიზებულ ტრენინგზე

ამ კონკრეტულ ტრენინგებზე ჩვენ ვხედავთ მდიდარი „ენჯეოების“ წარმომადგენლებსაც, რაც კიდევ უფრო ამყარებს იმ ეჭვს, რომ იქ ცოტა სხვა საკითხებზე მიდის საუბარი. ისევ რევოლუციურ სცენარებზე მიდის დატრენინგება, - განუცხადა „ქრონიკას“ საპარლამენტო ფრაქცია „ქართული ოცნების“ თავმჯდომარის მოადგილე ლევან მაჭავარიანმა ევროსაბჭოს ორგანიზებულ ტრენინგთან დაკავშირებით.მისი თქმით, ძალიან სამწუხაროა, რომ ეს ყველაფერი ევროპის ფულით კეთდება.„ჩვენ არაერთხელ მოვთხოვეთ დონორ ორგანიზაციას თავიანთი გამჭვირვალობა. მოვთხოვეთ ის, რომ ჩაეშალათ თუ რაში იხარჯება მათ მიერ საქართველოში წამოსული თანხები და მივიღეთ უარი, ძალიან სამწუხაროა. ეს კიდევ მეტ ეჭვს აჩენს. შემდეგ ბატონმა პაპუაშვილმა წერილიც გაუგზავნა უკვე ოფიციალურ სტრუქტურებს და ექვსი თვის შემდეგ მიიღო ძალიან ბუნდოვანი პასუხი, რომ ისინი ამ ყველაფერს საჯაროს არ გახდიდნენ. შესაბამისად, აგრძელებს ასეთ ქმედებებს, მაგრამ როგორც წინა შემთხვევებში კოვზი ნაცარში ჩაუვარდათ, ასე იქნება ახლაც“, - აღნიშნა ლევან მაჭავარიანმა.მესამე დღეა ბათუმში, ევროსაბჭოს ორგანიზებით, ტრენინგი მიმდინარეობს. შეხვედრას „ენჯეო“ სექტორიც ესწრება. ტრენინგის მონაწილეები მედიასთან ისევ არ ჩნდებიან, რა მიზანს ემსახურება შეხვედრა კომენტარს არ აკეთებენ. არსებული ინფორმაციით, მსჯელობის ერთ-ერთი საკითხია მშვიდობიანი შეკრებების მართვა და ძალის გამოყენება.