ავთანდილ თალაკვაძე ქართულ დელეგაციასთან ერთად, იაპონიის დედაქალაქ ტოკიოში იმყოფება

ოზურგეთის მერი, ავთანდილ თალაკვაძე, ქართულ დელეგაციასთან ერთად, იაპონიის დედაქალაქ ტოკიოში იმყოფება. ოფიციალურ შეხვედრებში მონაწილეობს იაპონიაში საქართველოს ელჩი თეიმურაზ ლეჟავა.პირველი სამუშაო შეხვედრა იაპონია-საქართველოს სავაჭრო-სამრეწველოს პალატის პრეზიდენტთან, ტადაჰარუ უეჰარასთან გაიმართა.შეხვედრაზე მხარეებმა ორმხრივი თანამშრომლობის საკითხები და სავაჭრო-ეკონომიკური კავშირების გაღრმავების პერსპექტივა განიხილეს."ოფიციალური ვიზიტის ფარგლებში, იაპონიაში, ტოკიოში პირველი შეხვედრები გავმართეთ.იაპონია-საქართველოს სავაჭრო-სამრეწველოს პალატის პრეზიდენტთან, ტადაჰარუ უეჰარასთან განვიხილეთ ურთიერთთანამშრომლობის სფეროები, სავაჭრო-ეკონომიკური კავშირების გაღრმავების პერსპექტივა და იაპონიაში ქართული კულტურის კიდევ უფრო მეტად პოპულარიზაციის შესაძლებლობები.მადლობას ვუხდი იაპონიაში საქართველოს ელჩს, თეიმურაზ ლეჟავას ვიზიტის ორგანიზებისა და მასპინძლობისთვის." - აღნიშნა ავთანდილ თალაკვაძემ.