VIDEO: „ძალიან მძიმე რეალობაში გვიწევს ცხოვრება, სასაცილოა, რომ ჩემს და ჩემი თაობის მშობლებს გვეძახიან რუსეთუმეებს, ჩვენ გავატარეთ ცხოვრება რუსეთთან ბრძოლაში...“ - ნანა ლორთქიფანიძე

„ძალიან მძიმე რეალობაში გვიწევს ცხოვრება, სასაცილოა, რომ ჩემს და ჩემი თაობის მშობლებს გვეძახიან რუსეთუმეებს, ჩვენ გავატარეთ ცხოვრება რუსეთთან ბრძოლაში...“ - ამის შესახებ მსახიობმა, ნანა ლორთქიფანიძემ გადაცემა „ვახო ხუზმიაშვილის თავისუფალ სივრცეში“ განაცხადა. „ძალიან მძიმე რეალობაში გვიწევს დღეს ცხოვრება. როგორც არასდროს ისე ვნერვიულობ ახლა, რომ ვსაუბრობ ამაზე. ამ სოციალურმა ქსელმა კიდევ რაღაც საშინელება მოახდინა ჩვენს ცხოვრებაში. პირდაპირ შხამის ნიაღვარი მოედინება სოციალურ ქსელში და არავინ არავის აღარ ერიდება. მე ვერავინ გამაკვირვებს აქციებზე დგომით, ნამდვილად.  სასაცილოა, რომ ჩემს და ჩემი თაობის მშობლებს გვეძახიან რუსეთუმეებს, ჩვენ გავატარეთ ცხოვრება რუსეთთან ბრძოლაში...“ - განაცხადა ლორთქიფანიძემ.