VIDEO: ვენერა ობოლაშვილი სოცქსელში გამოჩნდა

ვენერა ობოლაშვილი სოციალურ ქსელში გამოჩნდა. ქალი, რომელიც წლების განმავლობაში სამი ადამიანის მკვლელობის ბრალდებით იყო დაკავებული, საპატიმროდან გასულ წელს გათავისუფლდა. სოციალურ ქსელში გავრცელებულ ვიდეოში, ვენერა ობოლაშვილი კაცებს მიმართავს:„მართალი კაცები ვაჟკაც ქალებს აფასებენ, მაგრამ ზოგიერთები ხომ კაცები არ არიან?! ისინი კაცები უნდა იყვნენ და მე ქალი?! თქვენ ოჯახებს მიხედეთ ზოგიერთებმა შვილო, ცოლები რომ გატყუებენ და საყვარლებთან დადიან, თქვენ ვისზე ლაპარაკობთ. იმათ მიაქციეთ ყურადღება, სიგარეტს რომ გაბოლებენ სახეში“, - ამბობს ობოლაშვილი ვიდეოში. 14 წლის წინ, 55 წლის მსჯავრდებულმა სასამართლოს წინაშე სამი ადამიანის მკვლელობა აღიარა. მისი ბოლო მსხვერპლი 80 წლის მარია არზამასევა იყო. ვენერა ობოლაშვილმა 2010 წელს ასევე აღიარა საკუთარი ქმრის, იური იურკინისა და მეგობარი მამაკაცის ანატოლი კალინკას მკვლელობები. ხანგრძლივი პატიმრობა კი მხოლოდ მოხუცი ქალის მკვლელობისა და თაღლითობისთვის მიუსაჯეს.1984 წელს ვენერა ობოლაშვილმა მოკლა მასთან ოფიციალურ ქორწინებაში მყოფი 1941 წელს დაბადებული იური იურკინი და მისი ბინა 4000; აშშ დოლარად გაყიდა.2008 წელს მოკლა მასთან არარეგისტრირებულ ქორწინებაში მყოფი 1956 წელს დაბადებული ანატოლი კალინკა და მისი ბინა 50 000 ამერიკულ დოლარად გაყიდა.2009 წელს მოკლა 1930 წელს დაბადებული მარია არზამასევა და მისი ბინა 20 000 ამერიკულ დოლარად გაყიდა.ობოლაშვილს სასამართლომ 2010 წელს 23 წლით თავისუფლების აღკვეთა მიუსაჯა.