VIDEO: ეუთოს მინისტერიალზე, სერგეი ლავროვის სიტყვით გამოსვლისას, დარბაზი რამდენიმე ქვეყნის, მათ შორის, საქართველოს დელეგაციამ დატოვა

ეუთოს საგარეო საქმეთა მინისტერიალზე რუსეთის საგარეო საქმეთა მინისტრის სერგეი ლავროვის გამოსვლისას ზოგიერთი ქვეყნის დელეგაციის წარმომადგენლებმა დარბაზი დატოვეს, - ინფორმაციას უკრაინული მედია ავრცელებს.მანამდე ცნობილი გახდა, რომ უკრაინის საგარეო საქმეთა მინისტრმა ანდრეი სიბიგამ ლავროვის სიტყვით გამოსვლის დაწყებამდე ეუთოს პლენარული შეხვედრების დარბაზი დატოვა.უკრაინის საგარეო საქმეთა სამინისტროს პრესსპიკერის, გეორგი ტიხის განცხადებით, ლავროვის გამოსვლის წინ დარბაზი დატოვეს საქართველოს, ჩეხეთის, რუმინეთის, პოლონეთის, ლატვიის, ლიეტუვისა და ესტონეთის დელეგაციების წარმომადგენლებმა.შეგახსენებთ, ეუთოს მინისტრთა საბჭოს 31-ე შეხვედრა მალტაში მიმდინარეობს.  📍OSCE Ministerial Council in MaltaMinister @sikorskiradek left the room after the start of the speech by Russian Foreign Minister Sergey Lavrov. pic.twitter.com/WyxjPJQM2I — Ministry of Foreign Affairs 🇵🇱 (@PolandMFA) December 5, 2024