Nike გრძელვადიან პროგნოზებს წყვეტს

სპორტული საქონლის ამერიკულმა მწარმოებელმა Nike Inc.– მა წმინდა მოგება 28%-ით და შემოსავალი 10%-ით შეამცირა პირველ ფისკალურ კვარტალში. ამასთან, წმინდა მოგებამ გადააჭარბა ბაზრის პროგნოზს, ხოლო შემოსავალი აღმოჩნდა უარესი, ვიდრე ანალიტიკოსების მოლოდინი.
როგორც პრესრელიზშია ნათქვამი, 31 აგვისტოს დასრულებული კვარტალის წმინდა მოგებამ 1,05 მილიარდი დოლარი შეადგინა წინა ფისკალური წლის 1,45 მილიარდ აშშ დოლართან შედარებით. ერთ აქციაზე მოგება 94 ცენტიდან 70 ცენტამდე დაეცა. კომპანიის კვარტალური შემოსავალი 11,59 მილიარდ დოლარამდე შემცირდა ერთი წლის წინანდელ 12,94 მილიარდი დოლართან შედარებით.
FactSet-ის მიერ გამოკითხული ექსპერტები საშუალოდ თვლიდნენ, რომ Nike-ის წმინდა შემოსავალი იქნება 52 ცენტი თითო აქციაზე 11,64 მილიარდი დოლარის შემოსავლით.
მთავარმა ფინანსურმა დირექტორმა მეთიუ ფრენდმა თქვა, რომ კომპანია წყვეტს თავის გრძელვადიან პროგნოზებს და მხოლოდ კვარტალურ პროგნოზებს გამოაქვეყნებს მიმდინარე ფისკალური წლის ბოლომდე.
interfax