500 მმ-იანი მილი აღდგენილია, გაზმომარაგების აღდგენა უკვე დაიწყო და ეტაპობრივად 11 თებერვალს, დღის ბოლომდე დასრულდება - „თბილისი ენერჯი“

„თბილისი ენერჯის“ ინფორმაციით, დაზიანებულ ცენტრალურ მაგისტრალზე სამუშაოები მთელი ღამის განმავლობაში მიმდინარეობდა. კომპანიაში აცხადებენ, რომ 500 მმ-იანი მილი უკვე აღდგენილია.„გაზმომარაგების აღსადგენად მეორე, ყველაზე რთული ეტაპი დაიწყო. ამისთვის „თბილისი ენერჯის“ შესაბამისი სამსახურები სრულად მობილიზებულები არიან.შეგახსენებთ, რომ ავარიის შედეგად გაზმომარაგება 150 000-მდე აბონენტს შეუწყდა. ქსელში გაზის მიწოდების აღდგენა ეტაპობრივად დაიწყო.ეს პროცესი დროს და სიფრთხილეს მოითხოვს, ამიტომ გთხოვთ ყურადღებით იყოთ – შეამოწმეთ გაზის ონკანები და არ დატოვოთ ისინი ღია მდგომარეობაში. გაზმომარაგების აღდგენის შესახებ ინფორმაციას სმს-ით მიიღებთ.„თბილისი ენერჯი“ კიდევ ერთხელ გიხდით ბოდიშს აბონენტებს მისგან დამოუკიდებელი მიზეზით შექმნილი დისკომფორტის გამო.გაზმომარაგების აღდგენა უკვე დაიწყო და ეტაპობრივად დასრულდება 11 თებერვალს, დღის ბოლომდე“, – აღნიშნულია „თბილისი ენერჯის“ ინფორმაციაში.