2 აგვისტოს სანაპიროზე 2 დღით მოძრაობა შეიზღუდება - რომელ მონაკვეთებს შეეხება შეზღუდვა?

ნოე ჟორდანიას სანაპიროს გარკვეულ მონაკვეთში საავტომობილო მოძრაობა ნაწილობრივ შეიზღუდება. ამის შესახებ ინფორმაციას ტრანსპორტისა და ურბანული განვითარების სააგენტო ავრცელებს.„ნოე ჟორდანიას სანაპიროსა და კოსტა ხეთაგუროვის ქუჩის კვეთაზე სატრანსპორტო კვანძის მოწყობა გრძელდება, რის გამოც, აღნიშნულ საგზაო მონაკვეთში საავტომობილო მოძრაობა ნაწილობრივ შეიზღუდება.კერძოდ, 2 აგვისტოს 09:00 საათიდან 4 აგვისტოს 06:00 საათამდე, საავტომობილო მოძრაობა შეიზღუდება ნოე ჟორდანიას სანაპიროზე, ბენზინგასამართ სადგურ „ვისოლის“ მიმდებარე ტერიტორიიდან მეტეხის გვირაბის მიმართულებით. სამუშაოების წარმოების პერიოდში, საავტომობილო გადაადგილება შეიზღუდება გზის სავალი ნაწილის მხოლოდ ერთ განაპირა ზოლში“, - აღნიშნულია განცხადებაში.