147 სახელმწიფოსა და ტერიტორიაზე ცხოვრების დონის შეფასების გაუმჯობესების ისტორიული ანალიზით ინდექსის დაარსებიდან დღემდე საქართველო მსოფლიოს საუკეთესო ხუთეულშია - დავით ქართველიშვილი ოქსფორდის უნივერსიტეტის კეთილდღეობის კვლევის ცენტრის 2025 წლის ანგარიშზე

„ხალხის ძალის“ წევრი დავით ქართველიშვილი ოქსფორდის უნივერსიტეტის კეთილდღეობის კვლევის ცენტრის მიერ ჩატარებულ კვლევას ეხმიანება, რომლის ფარგლებში, განხორციელდა მსოფლიოს 147 სახელმწიფოსა და ტერიტორიაზე ცხოვრების დონის შეფასების გაუმჯობესების ისტორიული ანალიზი ინდექსის დაარსებიდან დღემდე და რომლის მიხედვითაც საქართველო მსოფლიოს საუკეთესო ხუთეულშია.როგორც ქართველიშვილი აღნიშნავს, მსოფლიო ბანკის თუ სხვა ავტორიტეტული ორგანიზაციების მიერ შემუშავებული ინდექსაციის თანახმად, საქართველო ხშირად ხვდება საერთაშორისო რადარებზე ამა თუ იმ პარამეტრის გაუმჯობესების კუთხით. მისივე თქმით, ბევრი პარამეტრი გამაღიზიანებელია და სასაცილოდ არ ჰყოფნის "ოპოზიციას" და ამ შემთხვევაში ისინი სწორედ რომ დასავლეთს დასცინიან, სადაც შექმნილია შეფასების ეს კრიტერიუმები.„მსოფლიო ბანკის თუ სხვა ავტორიტეტული ორგანიზაციების მიერ შემუშავებული ინდექსაციის თანახმად, საქართველო ხშირად ხვდება საერთაშორისო რადარებზე ამა თუ იმ პარამეტრის გაუმჯობესების კუთხით. ამ პარამეტრებიდან ბევრის არსი შეიძლება გაუგებარი იყოს - ამ შემთხვევებისთვის არსებობს ინტერნეტი და სხვადასხვა საძიებო სისტემა. ბევრი პარამეტრი გამაღიზიანებელია და სასაცილოდ არ ჰყოფნის ჩვენს "ოპოზიციას" - ამ შემთხვევაში ისინი სწორედ რომ დასავლეთს დასცინიან, სადაც შექმნილია შეფასების ეს კრიტერიუმები. ჩვენ კი გავიხსენოთ მხოლოდ უკანასკნელ ორ წელიწადში დაფიქსირებული ჩვენი ქვეყნის წინსვლა:1. გლობალური ტერორიზმის ინდექსი: 2025 წელს ეკონომიკისა და მშვიდობის ინსტიტუტის (IEP) მიხედვით, საქართველომ შეინარჩუნა ნულოვანი გავლენა ტერორიზმიდან. 2024 წელს ქვეყანაში არც ერთი ტერორისტული ინციდენტი არ დაფიქსირდა, რაც ადასტურებს ქვეყანაში უსაფრთხოებისა და სტაბილურობის მაღალ დონეს.2. სამართლის უზენაესობის ინდექსი (World Justice Project):2023 წელს საქართველომ დაიკავა 48-ე ადგილი 142 ქვეყნიდან და პირველი ადგილი აღმოსავლეთ ევროპის და ცენტრალური აზიის რეგიონის რეიტინგში. ეს მიუთითებს სამართლებრივი სახელმწიფო პრინციპების განმტკიცებაზე.3. დასაქმებულთა შორის სიღარიბის შემცირება:შრომის საერთაშორისო ორგანიზაციის (ILO) მონაცემებით, საერთაშორისო სიღარიბის ზღვარს ქვემოთ მყოფი დასაქმებულების წილი 1.7%-მდე შემცირდა, რაც ეკონომიკური ზრდის ფონზე მოხდა (საშუალოდ 9.7% წელიწადში).4. ეკონომიკური თავისუფლების ინდექსი (Heritage Foundation):2024 წელს საქართველომ დაიკავა 32-ე ადგილი 176 ქვეყნიდან, რაც წინსვლას ნიშნავს 2023 წლის 35-ე ადგილთან შედარებით. ეს ასახავს ეკონომიკური პოლიტიკის გაუმჯობესებას და ხელსაყრელ ბიზნესგარემოს.5. საკრედიტო რეიტინგები: S&P Global Ratings — 2025 წლის თებერვალში ქვეყანას შეუნარჩუნდა „BB/B“ რეიტინგი სტაბილური პერსპექტივით.Fitch Ratings — 2024 წლის ივნისში საქართველოს შეუნარჩუნდა „BB“ რეიტინგი პოზიტიური პროგნოზით, რაც უკავშირდება მაკროეკონომიკური მაჩვენებლების გაუმჯობესებასა და სახელმწიფო ვალის შემცირებას.6. აღმასრულებელი ხელისუფლების ზედამხედველობის ინდექსი:2024 წელს საქართველო მსოფლიოში 38-ე ადგილზეა 166 ქვეყნიდან და 4-ბალიან სისტემაში მიიღო 2.96 ქულა. ეს მიუთითებს მთავრობის გამჭვირვალობაზე და ანგარიშვალდებულებაზე.7. კორუფციის აღქმის ინდექსი (Transparency International):2024 წელს საქართველომ შეინარჩუნა 53 ქულა 100-დან, რაც იგივე მაჩვენებელია, რაც წინა წელს. ეს მიუთითებს კორუფციასთან ბრძოლის მიმართულებით სტაბილურ დინამიკაზე.8. გლობალური ინოვაციური ინდექსი (WIPO):2023 წელს საქართველო 9 პოზიციით დაწინაურდა და 132 ქვეყნიდან 65-ე ადგილი დაიკავა, რაც ქვეყნის ტექნოლოგიური და ინოვაციური პოტენციალის ზრდას ადასტურებს.დღეს ყოველივე ამას დაემატა ოქსფორდის უნივერსიტეტის კეთილდღეობის კვლევის ცენტრის მიერ ჩატარებული 147 სახელმწიფოსა და ტერიტორიაზე ცხოვრების დონის შეფასების გაუმჯობესების ისტორიული ანალიზი ამ ინდექსის დაარსებიდან დღემდე, რომლის მიხედვითაც საქართველო მსოფლიოს საუკეთესო ხუთეულშია. ეხლა ზოგს შეუძლია გაეხარდეს, ზოგს ეწყინოს - ქვეყანაში უსამშობლოთა კოეფიციენტით, ჩვენ სამწუხაროდ კვლავ მოწინავე პოზიციებს ვიკავებთ მსოფლიოში...“ - წერს დავით ქართველიშვილი.