„+31 +33 გრადუსი… ერთ დღეში ზაფხულის სიცხე დაფიქსირდება“ - მეტეოროლოგის პროგნოზი

მეტეოროლოგი, კობა ფარტენაძე, ამინდის განახლებულ პროგნოზზე წერს:„უქმე დღეები ამინდის სიურპრიზებით იქნება სავსე.ხვალ, 17 მაისს, სანაპირო კურორტებზე ტემპერატურის მომატება +31, +33 გრადუსამდეა მოსალოდნელი, ერთ დღეში ისევ ზაფხულის სიცხე დაფიქსირდება, ანტიციკლონის წყალობით ცა იქნება მოწმენდილი და სამხრეთ-აღმოსავლეთიდან თბილი ქარი იქროლებს.გაითვალისწინეთ მომდევნო დღეებიც - კვირას ღამის საათებში, სანაპიროზე ცხელი ამინდის პირობები შექმნის, ისევ ქარიშხლის ალბათობას ტემპერატურის დასარეგულირებლად (ქარის შესახებ უფრო კონკრეტულ პროგნოზს ხვალ მოგაწვდით).რაც შეეხება დასავლეთის დაბლობს, შაბათს ცხელი და უნალექო იქნება, ტემპერატურა კი +32 გრადუსთან ახლოს, კვირას შედარებით აგრილდება.აღმოსავლეთში - უქმე დღეებში უხვი მზე იქნება, ტემპერატურა კი ნორმის ფარგლებში +25 გრადუსი დაფიქსირდება“, - წერს მეტეოროლოგი კობა ფარტენაძე.