“მიეხეთქა მაგიდას და კიოდა მიშველეთო და..” – ნახეთ მარინა ბერიძეს საფერფლე ესროლეს და სცემეს? სკანდალურ ინფორმაციას ფარდა აეხადა

07-10-2024

გიორგი ამილახვარი

Aa

საზოგადოება

მომღერალი ეკა კვალიაშვილი ერთ დროს ყველაზე სკანდალურ ამბავს იხსენებს, რა დროსაც, ხმა გავარდა, რომ მასსა და მარინა ბერიძეს შორის ფიზიკური დაპირისპირება მოხდა და გავრცელებული ხმებით, მან ბერიძეს საფერფლე ესროლა.

ეკა კვალიაშვილი იმ დღეს დეტალურად იხსენებს.

„კონფლიქტი შოუბიზნესში არავისთან მომსვლია, გარდა ერთი ადამიანის, მარინა ბერიძესი. მე ვიყავი ძალიან ბევრი კონცერტიდან მოხსნილი, ზუსტად ამან განაპირობა ჩემი ძალიან დიდი გაჭირვების გამოვლა. კონცერტებიდან ვიღებთ ჰონორარს და 

იმით ვცხოვრობთ. ერთ დღეს ბაკურიანში იყო საახალწლო კონცერტი, ჩემოდანჩალაგებული ვიყავი. მე და ბესო ბაკურაძე მაშინ ერთად ვიყავით, დამირეკა და ახლა რადიოში ვუსმენდი და ყველა მონაწილე ჩამოთვალეს შენ გარდაო, გავიგე, რომ მარინა ბერიძემ ამოგიღო სიიდანო.

მივედი, შანტაჟი მომიწყო ადამიანმა. დავსვი კითხვა, რატომ ამომიღე სიიდან-თქო, პასუხი იყო რომ სიიდან ბორჯომმა ამომიღო. სიცილი ამიტყდა. ხომ არ აფრენს, რაებს ლაპარაკობ-თქო. არ მაქვს დრო, სადილი მაქვსო. მხარზე ხელი მოვკიდე, პასუხი მინდა, არსად წახვალ მეთქი. თამრიკო ქამუშაძე იყო ოთახში. მარინამ გაიხედ-გამოიხედა ოთახში, მაგიდას მიეხეთქა და დაიწყო კივილი, მიშველეთო. მე გაშტერებული ვუყურებდი, თამრიკო მოვიდა და უთხრა, რას შვრები მარინა, შანტაჟს უწყობო?! მე რომ მარინა ბერიძისთვის საფერფლე მესროლა, დღეს იქნებოდა რომელიღაც პანთეონში.

იმ ოთახში იცით როგორი საფერფლე იყო, ადრე რომ დიდები იყო, რვაფეხასმაგვარი, სათათბირო მაგიდაზე იდო, ალბათ, ყველას რომ ჩაეფერფლებინა, იმას ვერც ავწევდი. პასუხი ვერ მივიღე, სიიდან რატომ მიღებდა. მე შემიძლია უფლის წინაშე პირჯვარი გადავიწერო და ვთქვა, რომ მას ხელით არ შევხებივარ.“ – თქვა ეკა კვალიაშვილმა გადაცემაში „სხვა კითხვები“