ფაქტებით და ობიექტურად მივაწოდეთ ინფორმაცია ყველა იმ საკითხთან დაკავშირებით, რაზეც გამოთქვეს დაინტერესება ჩვენმა მეგობრებმა - ირაკლი კირცხალია ევროსაბჭოს საპარლამენტო ასამბლეის წევრებთან შეხვედრაზე

ევროსაბჭოს საპარლამენტო ასამბლეის წევრების ოფიციალური ვიზიტი თბილისში გრძელდება. ცოტა ხნის წინ დასრულდა შეხვედრა "ქართული ოცნების" წევრებთან. იქამდე დელეგაციას პარლამენტის თავმჯდომარემ უმასპინძლა.მმართველ გუნდში აღნიშნავენ, რომ სადამკვირვებლო მონიტორინგის მისიის წარმომადგენლებს მიაწოდეს ინფორმაცია ყველა იმ საკითხზე, რაზეც მათი მხრიდან ინტერესი გამოითქვა.„ეს იყო ძირითადად ოპოზიციის ქმედებებთან დაკავშირებული თემები, არჩევნებთან, ზოგადად აქციებთან დაკავშირებული თემები და კიდევ ერთხელ განგიმარტავთ, ფაქტებით და ობიექტურად მივაწოდეთ ყველა ინფორმაცია ყველა იმ საკითხთან დაკავშირებით, რაზეც გამოთქვეს დაინტერესება ჩვენმა მეგობრებმა", - აცხადებს პარლამენტის ფრაქცია "ქართული ოცნების" თავმჯდომარის პირველი მოადგილე ირაკლი კირცხალია.