„ჩვენი სექტორი ყველაზე ჰუმანურია, თითოეული მოგზაურობა დაკავშირებულია ტურიზმთან, რომელიც აერთიანებს მსოფლიოსა და აახლოებს ტურიზმს“- ზურაბ პოლოლიკაშვილი

გაეროს მსოფლიო ტურიზმის ორგანიზაციის ვებ-გვერდზე მსოფლიო ტურიზმის დღესთან დაკავშირებით ორგანიზაციის გენერალური მდივნის ზურაბ პოლოლიკაშვილის ვიდეო მიმართვა ვრცელდება. 27 სექტემბერს, პირველად მსოფლიო ტურიზმის დღეს საქართველო უმასპინძლებს.„გილოცავთ მსოფლიო ტურიზმის დღეს. წელს, ამ დღეს, ჩვენი პლანეტა ომებსა და საფრთხეებშია გახვეული.  მსოფლიო მოსახლეობიდან ყოველი მეოთხე კონფლიქტურ ზონებში ცხოვრობს, უამრავმა ჩვენგანმა საკუთარ თავზე გამოცადა ომი, მისი გავლენა შორს გაცდა კონფლიქტურ ზონებს. ჩვენ დაუყოვნებლივ  ერთად უნდა დავდგეთ მშვიდობისთვის“-აცხადებს ზურაბ პოლოლიკაშვილი.როგორც გაეროს მსოფლიო ტურიზმის ორგანიზაციის გენერალური მდივანი აღნიშნავს  ტურიზმი ხელს უწყობს ეკონომიკის ზრდას და ქვეყნების იცავს კონფლიქტებისგან.„გლობალური ტურიზმის ოჯახი საკმაოდ მრავალფეროვანია, მაგრამ რაც ყველას გვაერთიანებს ჩვენი ჰუმანურობაა. ჩვენი სექტორი ყველაზე ჰუმანურია. თითოეული მოგზაურობა დაკავშირებულია ტურიზმთან, რომელიც აერთიანებს მსოფლიოსა და აახლოებს ტურიზმს. ტურიზმი ნდობასა და პატივისცემაზეა დაფუძნებული.  ტურიზმი განაპირობებს ინკლუზიურ ზრდას და კეთილდღეობას, გვიცავს კონფლიქტებისგან. ტურიზმის ღირებულებები ახლა ყველაზე მეტად გვჭირდება ვიდრე ოდესმე. მოდით პატივი ვცეთ  საერთაშორისო სამართალსა და გაერთიანებული ერების ღირებულებებს. უპირველეს ყოვლისა, ერთად ვიმუშაოთ გაერთიანებულმა სექტორმა, რომ  ტურიზმი იმედის ჩირაღდნად ვაქციოთ,  როდესაც კონფლიქტის ზონებში მშვიდობა დაისადგურებს  ჩვენ მზად ვიქნებით დავეხმაროთ ადამიანებს აღმშენებლობასა და კავშირების აღდგენაში.  სადაც არ უნდა იყოთ და როგორც არ უნდა აღნიშნავდეთ ტურიზმის დღეს გისურვებთ მშვიდობასა და კეთილდღეობას“,-აცხადებს ზურაბ პოლოლიკაშვილი.ტურიზმის მსოფლიო დღეს გაეროს მსოფლიო ტურიზმის ორგანიზაცია 1979 წლიდან, ყოველი წლის 27 სექტემბერს აღნიშნავს.