Who is the author of this document and who signed it, everyone says that we Georgian people are a banana republic, we do not have the ability to choose our government - Shalva Papuashvili on the charter of the president

ამ დოკუმენტის შემდგენი ვინც არის და ხელის მომწერი, ყველა ამბობს, რომ ქართველი ხალხი ვართ ბანანის რესპუბლიკა, რომელსაც არ გვაქვს უნარი, ჩვენი ხელისუფლება ავირჩიოთ და დემოკრატიულად არჩეულმა ხელისუფლებამ, დემოკრატიულ ვადაში - ოთხი წელი მართოს ქვეყანა, - განაცხადა პარლამენტის თავმჯდომარემ შალვა პაპუაშვილმა პრეზიდენტის „ქართულ ქარტიასთან“ დაკავშირებით.„სერიოზულად უნდა დავუფიქრდეთ, რა არის ეს ქარტია. ეს ე.წ ქარტია, რომელიც ამბობს, რომ ტექნიკური მთავრობა უნდა შეიქმნას 1 წლით და ა.შ., ფაქტობრივად არის დოკუმენტი, რომელიც ამ პოზიციაზე მართალია ჩვენი მხრიდან იმპიჩმენტ მხარდაჭერილმა, მაგრამ ფორმალურად, პრეზიდენტის პოზიციაზე მყოფმა ადამიანმა შეადგინა და საქართველო გამოაცხადა „ბანანის რესპუბლიკად“. საქართველოს და ქართველ ხალხს თურმე არ შეუძლია აირჩიოს ხელისუფლება, რომელიც ქვეყანას 4 წელი მართავს. თურმე დროებითი კონგლომერატები უნდა შეიქმნას. ასეთი რამ ჩვენ გვქონდა 90-იანი წლების დასაწყისში შეიძლება, როდესაც რაღაც საბჭოები იქმნებოდა დესტაბილიზირებულ ქვეყანაში. ამ დოკუმენტის შემდგენი ვინც არის და ხელის მომწერი, ყველა ამბობს, რომ ქართველი ხალხი ვართ ბანანის რესპუბლიკა, რომელსაც არ გვაქვს უნარი, ჩვენი ხელისუფლება ავირჩიოთ და დემოკრატიულად არჩეულმა ხელისუფლებამ, დემოკრატიულ ვადაში - ოთხი წელი მართოს ქვეყანა. აქვე ჩანს, როგორ ხედავს ის [პრეზიდენტი] ქართველ ხალხს. მისი ცნობილი გამონათქვამი არის „ხალხთან, მაგრამ ცოტა მაღლაო“, თუმცა ნამეტანი მაღლა ავიდა ქალბატონი სალომე და დაგვყურებს ჩვენ - ქართველ ხალხს როგორც შეუმდგარ ერს, შეუმდგარ სახელმწიფოს, რომელსაც იმის უნარიც კი არ გვაქვს, რომ ხელისუფლება ავირჩიოთ და გვქონდეს ის დემოკრატიული ვადები, რომელიც ნორმალურ ქვეყნებში არის. ამით გამოგვაცხადა არანორმალურ ქვეყნად“, - აღნიშნა პაპუაშვილმა.