I will probably voice the opinion of a lot of people that they listened to the President's briefing and no one came up with an opinion - what he said, what he meant, what he wanted - Nino Tsilosani

„ქართულ ოცნებაში“ სალომე ზურაბიშვილის საგანგებო ბრიფინგს ეხმაურებიან. პარლამენტის თავმჯდომარის მოადგილე ნინო წილოსანი პრეზიდენტის განცხადების უშინაარსობას უსვამს ხაზს და ზურაბიშვილს მის კანონიერ მოვალეობას ახსენებს - კერძოდ ამნისტიის კანონს, რომელსაც პრეზიდენტი დაახლოებით ერთი კვირაა არ აწერს ხელს.„ალბათ უამრავი ადამიანის მოსაზრებას გავაჟღერებ, რომ პრეზიდენტის ბრიფინგს უსმენდნენ და ვერავინ გამოიტანა აზრი - რას ლაპარაკობდა, რას გულისხმობდა, რა უნდოდა. დაკავებული არის პარტიული გადაჯგუფებებით და დაჯგუფებებით, ოპოზიციის ხელშეწყობით და პირდაპირ არაკონსტიტუციურია ეს ყველაფერი, მინდა საზოგადოებას შევახსენო. ამის პარალელურად, მისი კონსტიტუციური უფლება-მოვალეობა არის, რომ მოაწეროს კანონებს ხელი, ამ შემთხვევაში ამნისტიის კანონზე გვაქვს საუბარი, რომელიც ერთი კვირაა უკვე მასთან დევს და რამდენიმე ათასი ადამიანი და მათი ოჯახის წევრები ელოდებიან ამ კანონის ძალაში შესვლას, ის კი ამ მოვალეობას არ ასრულებს“, - განაცხადა წილოსანმა.