AMBULANCE - Why are ambulances labeled backwards?

იცით თუ არა, რატომ აწერიათ სასწრაფო დახმარების ავტომობილებს უკუღმა წარწერა AMBULANCE? ეს არის ეგრე წოდებული სარკის ეფექტი, რაც იმისთვისაა, რომ მძღოლმა სარკეში შეხედოს მის უკან მყოფ სასწრაფო დახმარების ავტომობილს და გზა დაუთმოს დროულად.გადაუდებელი დახმარების მანქანების იდეა ჯერ კიდევ უძველესი დროიდან იღებს სათავეს. 1487 წელს პაციენტების ექიმთან გადასაყვანად ურმებს იყენებდნენ. მათი შემოღება კონკრეტულ ფაქტს უკავშირდებოდა – მალაგის ალყას ესპანეთში. მე-19 და მე-20 საუკუნეების განმავლობაში ტექნოლოგიების წინსვლამ უკვე ნამდვილ მანქანებზე გადაიყვანა მსოფლიო.პირველი მასობრივი წარმოების საავტომობილო სასწრაფო დახმარების მანქანა გამოვიდა შეერთებულ შტატებში 1909 წელს. ეს სასწრაფო დახმარება, სახელად Model 774 Automobile Ambulance, აღჭურვილი იყო 32 ცხენის ძალის, 4-ცილინდრიანი ძრავით. შასი მოძრაობდა პნევმატური საბურავებით, ხოლო კორპუსში იყო ელექტრო განათება, დაკიდული საწოლი ორი დამსწრის სავარძლით და გვერდით დამაგრებული გონგი.დღეს თანამედროვე სასწრაფო დახმარების მანქანები მორგებულია ყველა სახის გადაუდებელ სიტუაციებზე. ავტოკატასტროფები, ხანძრები და ტერორისტული თავდასხმებიც კი არის იმ მრავალ სიტუაციას შორის, რომელთან გამკლავებაც ევალებათ პარამედიკოსებს. ასეთი კატასტროფების ადეკვატურად გადასაჭრელად, სასწრაფო დახმარების მანქანები სავსეა სიცოცხლის გადამრჩენი აღჭურვილობითა და ტექნოლოგიით. ეკგ მონიტორები, დეფიბრილატორები, ზურგის დაფები, ვენტილატორები, ჟანგბადი და მრავალი სხვა ნივთი, რომელიც, როგორც წესი, გვხვდება სალონში.